అమెరికాలో ప్రవాస భారతీయుల సంస్కృతీసంప్రదాయాలను చాటిచెప్పేలా అసోసియేషన్ ఆఫ్ ఇండో అమెరికన్స్ (AIA), బోల్లీ 92.3 ఎఫ్‌ఎం (Bolly 92.3 FM) ఆధ్వర్యంలో అత్యంత వైభవంగా నిర్వహించనున్న దసరా దీపావళి ధమాకా 2026(Dussehra Diwali Dhamaka 2026) వేడుకలకు సర్వం సిద్ధమైంది. ఈ చారిత్రక వేడుకలకు ప్రముఖ ఎన్నారై తెలుగు పత్రిక ‘తెలుగు టైమ్స్'(Telugu Times) అధికారిక మీడియా పార్ట్‌నర్‌గా వ్యవహరిస్తుండటం విశేషం.
వేడుకల వివరాలు:
తేదీ: అక్టోబర్ 17, 2026 (శనివారం)
సమయం: మధ్యాహ్నం 12:00 గంటల నుండి రాత్రి 11:00 గంటల వరకు
వేదిక: అలమేడా కౌంటీ ఫెయిర్‌గ్రౌండ్స్, ప్లెజంటన్, కాలిఫోర్నియా (Alameda County Fairgrounds, Pleasanton, CA)
కార్యక్రమ ప్రత్యేకతలు…
ఈ వేడుకల్లో భాగంగా రెండు వేదికలపై నాన్‌స్టాప్ సాంస్కృతిక కార్యక్రమాలు, రామలీల ప్రదర్శన, డిస్కో డాండియా, భారీ బాణసంచా కాల్పులు, , ఆకట్టుకునే రీతిలో 40 అడుగుల రావణ దహనం (Ravan Dehan) కార్యక్రమం నిర్వహించనున్నారు. అలాగే, రథయాత్ర, సింధూర్ ఖేలా, మహా మంగళహారతి, 10 అడుగుల దుర్గాదేవి విగ్రహం ప్రత్యేక ఆకర్షణగా నిలవనున్నాయి.
వీటితో పాటుగా:
ఉచిత ఆరోగ్య శిబిరం (Free Health Fair – సౌత్ ఏషియన్ హార్ట్ సెంటర్ సహకారంతో)
చెస్ & క్యారమ్స్ పోటీలు, ఏఐఏ ఐడల్ (సింగింగ్), అంతాక్షరి
25కి పైగా ఫుడ్ బూత్‌లు , 150కి పైగా షాపింగ్ వెండర్ స్టాల్స్‌
పిల్లల కోసం ప్రత్యేక కార్నివాల్ రైడ్స్ ఏర్పాటు చేశారు.
ప్రవాస తెలుగు సమాజానికి ఎప్పటికప్పుడు తాజా వార్తలు, వేడుకల సమాచారాన్ని అందిస్తూ అగ్రగామిగా ఉన్న తెలుగు టైమ్స్ మీడియా పార్ట్‌నర్‌గా వ్యవహరిస్తున్న ఈ మహా వేడుకలకు తెలుగువారందరూ కుటుంబసమేతంగా తరలివచ్చి విజయవంతం చేయాలని నిర్వాహకులు పిలుపునిచ్చారు.
