శాంటా క్లారా నగర వార్షిక సభలో అందిన అభినందనలు, ఆఫీసర్ డేవ్ మచాడో తన సొంత కమ్యూనిటీపై ఎంతటి బలమైన ప్రభావాన్ని చూపారో తెలియజేసారు. విధుల్లో, విధులకు వెలుపల ఆయన చేస్తున్న విశేష సేవలను గుర్తించి ఆఫీసర్ మచాడోను డిస్ట్రిక్ట్ 6 కమ్యూనిటీ అవార్డుతో సత్కరించారు. శాంటా క్లారాలోనే స్థానికంగా పెరిగిన డేవ్, బ్రైర్‌వుడ్ ఎలిమెంటరీ , విల్కాక్స్ హైస్కూల్‌‌లో చదువుకున్నారు. తను పెరిగిన కమ్యూనిటీకి తిరిగి సేవ చేయాలన్న ఉద్దేశంతో ఆయన తన వృత్తి జీవితాన్ని అంకితం చేశారు.
2002లో శాంటా క్లారా పోలీస్ విభాగంలో చేరిన డేవ్, వివిధ హోదాల్లో పనిచేశారు. నేర స్థల పరిశోధన, ట్రాఫిక్ విభాగం వంటి పలు బాధ్యతలు నిర్వర్తించారు. ప్రస్తుతం కమ్యూనిటీ సర్వీస్ యూనిట్‌లో సేవలందిస్తూ, పోలీస్ ఉద్యోగానికి మించి ప్రజలకు దగ్గరయ్యారు. యువతకు మార్గదర్శనం చేయడం, 11 ఏళ్లుగా క్రీడా కోచ్‌గా వ్యవహరించడం ద్వారా అందరితోనూ మంచి అనుబంధం ఏర్పరచుకున్నారు.
శాంటా క్లారాలో ఎవరిని అడిగినా కోచ్ డేవ్, ఆఫీసర్ డేవ్ లేదా కేవలం డేవ్ అంటే అందరికీ సుపరిచితమే. కష్టకాలంలో స్పందించడం, బలమైన సంబంధాలను ఏర్పరచడం, పిల్లలను ఉత్సాహపరచడం, రాబోయే తరానికి ఎవరైనా అండగా ఉంటారనే భరోసా కల్పించడం ఆయన ప్రత్యేకత.
డేవ్ తన సమయాన్ని, అంకితభావాన్ని ఈ కమ్యూనిటీ కోసం వెచ్చించడం వెనుక ఆయన కుటుంబ సహకారం ఎంతో ఉంది. ఆయన సేవలు విజయవంతం కావడానికి కుటుంబ సభ్యుల ప్రేమ, మద్దటే కారణమని భావిస్తూ వారికి ప్రత్యేక కృతజ్ఞతలు తెలుపుతున్నారు. తాను నివసించే నగరానికి సేవనందిస్తున్న ఆఫీసర్ మచాడో పట్ల గర్వపడుతూ, ఆయన అందించే సేవలను అభినందిస్తూ ఈ వేడుకలో భాగస్వాములు కావాలని కోరారు.
