కాలిఫోర్నియాలోని లివర్‌మోర్‌లో ఉన్న హిందూ కమ్యూనిటీ అండ్ కల్చరల్ సెంటర్(HCCC), శివ-విష్ణు ఆలయం సంయుక్తంగా బతుకమ్మ సాంస్కృతిక సంబరాలను అత్యంత వైభవంగా నిర్వహించనున్నారు. తెలంగాణ సంస్కృతి, సంప్రదాయాలను భావితరాలకు చాటిచెప్పేలా ఈ వేడుకలను ఏర్పాటు చేసినట్లు నిర్వాహకులు తెలిపారు. బతుకమ్మ అంటే ‘బ్రతుకు’ అని, ‘అమ్మ’ అంటే తల్లి అని అర్థం అని, దుర్గా నవరాత్రుల సమయంలో తొమ్మిది రోజుల పాటు పూలతో దేవతను పూజిస్తూ ఈ పండుగను జరుపుకుంటామని పేర్కొన్నారు. గోపురం మాదిరిగా వివిధ అంచెలుగా పూలను అమర్చి, ఆ పూల అమరిక చుట్టూ మహిళలు జానపద పాటలు పాడుతూ నృత్యం చేయడం ఈ పండుగ ప్రత్యేకత అని వెల్లడించారు.
వేడుకల తేదీ, సమయం, వేదిక వివరాలు
ఈ ప్రతిష్టాత్మక బతుకమ్మ వేడుకలు అక్టోబర్ 18, 2026 ఆదివారం రోజున సాయంత్రం 4:00 గంటల నుండి ప్రారంభం కానున్నాయి. కాలిఫోర్నియాలోని లివర్‌మోర్ ప్రాంతంలో ఉన్న ‘లకిరెడ్డి ఆడిటోరియం'(Lakireddy Auditorium)ఈ వేడుకకు వేదికగా నిలవనుంది.
ఆలయ చిరునామా: 1232 Arrowhead Ave, Livermore, CA 94551.
ఈ వేడుక పూర్తిగా ఉచితమని, భక్తులు , తెలుగు ప్రజలు అందరూ పెద్ద ఎత్తున కుటుంబ సమేతంగా తరలివచ్చి ఈ సంబరాలను విజయవంతం చేయాలని నిర్వాహకులు కోరారు.
సంప్రదాయం ఉట్టిపడేలా ఏర్పాట్లు…
ప్రవాస భారతీయుల కోసం అమెరికా గడ్డపై మన సంప్రదాయ పండుగలను ఘనంగా నిర్వహించడంలో భాగంగా ఈ బతుకమ్మ వేడుకలకు సర్వం సిద్ధం చేశారు. ఈ కార్యక్రమానికి సంబంధించిన మరిన్ని వివరాలు లేదా సందేహాల నివృత్తి కోసం ఈవెంట్ కోఆర్డినేటర్లను సంప్రదించవచ్చని తెలిపారు. వాణి రెడ్డి కేసరిని (510) 456-5431 నంబరులో, జ్యోతి గుండును (925) 699-3197 నంబరులో లేదా ఆలయ ఫ్రంట్ ఆఫీసును 925-449-6255 నంబరులో సంప్రదించి సమాచారం పొందవచ్చని HCCC వర్గాలు వెల్లడించాయి.
