పవిత్రమైన కార్తిక మాసాన్ని పురస్కరించుకుని ఫ్రీమాంట్‌లోని కార్యసిద్ధి హనుమాన్ ఆలయంలో (దశావతార) శ్రీ వేంకటేశ్వర స్వామి ఆలయ ప్రాంగణంలో ప్రత్యేక మరుకత శివలింగ అభిషేక కార్యక్రమాన్ని దత్త యోగా సెంటర్ , ఆలయ యాజమాన్యం కలసి నిర్వహిస్తున్నాయి. శివుని దివ్య ఆశీస్సులు పొందడానికి భక్తులందరూ ఈ పూజా కార్యక్రమంలో పాల్గొనాల్సిందిగా ఆలయ నిర్వాహకులు కోరారు.
వివరాలు , సమయాలు..
ఈ కార్తిక మాస శివాభిషేకం నవంబర్ 16, 2026 సోమవారం రోజున సాయంత్రం 6:30 గంటలకు ప్రారంభమవుతుంది. ఈ ప్రత్యేక అభిషేకంలో పాల్గొనే భక్తులకు స్పాన్సర్‌షిప్ రుసుమును 21 డాలర్లుగా నిర్ణయించారు.
చిరునామా , వివరాలు..
ఈ పూజా కార్యక్రమం ఫ్రీమాంట్‌లోని హ్యాన్సెన్ అవెన్యూలో ఉన్న కార్యసిద్ధి హనుమాన్ ఆలయంలో (4300 Hansen Avenue, Fremont, CA 94536) జరుగుతుంది. ఈ కార్యక్రమం , స్పాన్సర్‌షిప్ వివరాల కోసం 888-368-5748 ఫోన్ నంబర్‌ను లేదా [email protected] ఈమెయిల్ ద్వారా ఆలయ ప్రతినిధులను సంప్రదించవచ్చు.
